Oblystyq Qazaqstan halqy assambleıasynyń uıymdastyrýymen «Atameken» balalar aýylynda «NEXT chempıonmyn» aksııasy ótti. Oǵan oblystyq QHA músheleri, «Tarbie» sporttyq volonterlik baǵytynyń ókilderi, «Qaısar» fýtbol klýbynyń oıynshylary qatysty.
Áleýmettik osal top balalaryn sportqa baýlý maqsatynda ótken sharada «Qaısar» fýtbol klýbynyń oıynshylary Eldos Ahmetov, Dýman Nárzildaev saıysqa qatysýshylarǵa sáttilik tilep, qoltańbalary qoıylǵan doptardy syıǵa tartty.
Jasóspirimderdi sportqa baýlý arqyly salaýatty ómir saltyn nasıhattaýdy kózdegen sharada balalar aýylynyń tárbıelenýshileri topqa bólinip, sporttyń ár túrinen jarysty.
Belsendilik tanytyp, oq boıy ozyp shyqqandarǵa dıplom tabystalyp, etnomádenı birlestikter men volonterler syılyqtar úlestirdi.