Oblys ákimi Qýanyshbek Ysqaqov Qarmaqshy aýdanyna saparlap, birqatar nysan jumysymen tanysty.
Aımaq basshysy aldymen aýdan aýmaǵyndaǵy Qýraıly kanalyn kúrdeli jóndeý jumystarymen tanysty. Kanaldy qaıyr basyp, aýdannyń egistik jerlerine sý jetkizý máselesi qıyndyq týdyryp kelgen. Qazir quny 168 mln teńge bolatyn joba smetalyq qujat ázirlenip, «Qazsýshar» RMK Qyzylorda fılıaly kanaldy tazalaýda.
Aımaq basshysy bul jumysty sharýa qojalyqtarymen birigip júrgizýdi tapsyrdy.
Sapar aıasynda Qýanyshbek Dosmaıyluly aýdan ortalyǵynda ornalasqan kvartalishilik gaz tartý jumystarynyń barysymen de tanysty. Kentte ótken jyldan bastap jalpy uzyndyǵy 160 shaqyrym bolatyn ishki gazdandyrý jumystarynyń qurylysy júrgizilýde. Oblystyq energetıka jáne turǵyn úı-kommýnaldyq sharýashylyq basqarmasynyń basshysy Medet Ýsaın osy baǵyttaǵy jumys barysyn tanystyrdy.
- Mamyr aıyndaǵy ataýly merekeler qarsańynda Qarmaqshy jáne Syrdarııa aýdany turǵyndarynyń bir bóligine gaz berý máselesin sheshińizder. Jalpy josparlanǵan úsh aýdanǵa kógildir otyn kúzge deıin tolyq berilýi kerek, – dedi oblys ákimi.
Sonymen qatar aımaq basshysy Q.Ysqaqov Qarmaqshy aýdandyq elektr taratý torabynyń jáne Qarmaqshy aýdandyq agrarly-tehnıkalyq kolledjiniń jumysymen de tanysty.