Qyzylorda oblysynyń ákimi Qýanyshbek Ysqaqov turǵyndar kúndelikti tutynatyn azyq-túlik ónimderiniń qory men baǵasyn bilý maqsatynda birqatar saýda núktesin aralady. Sonymen qatar Qyzylordadaǵy «Dalatex» kompanııasy maska tigýdi qolǵa alyp otyr.
Aımaq basshysy aldymen Small saýda ortalyǵynda boldy. Mundaǵy un, nan, qant, shaı men basqa da azyq- túlik ónimderiniń baǵasyn kórdi.
- Munaı baǵasy men valıýta baǵamynyń turaqsyzdyǵyna jáne koronavırýs indetiniń taralýyna baılanysty azyq-túlik taýarlarynyń baǵasyn turaqtandyrý jáne qajetti qor jınaý maqsatynda tıisti jumys jasalady. Halyq azyq-túlikten tarshylyq kórmeýi kerek. Kásipkerler bul iske atsalysady dep oılaımyn, - dedi oblys ákimi.
Qazir turaqtandyrý qorynda 1219,9 tonna ónim bar. Aýyl sharýashylyǵy salasynyń mamandary qosymsha 3,5 myń tonna azyq-túlik ónimderin satyp alý sharalary júrgizilip jatqanyn aıtty.
Aımaq basshysy 2000 tonnadan asa kókónis saqtaıtyn «Baıqońyr» ÁKK» qoımasynyń jumysymen tanysty. Onda ónimderdi talapqa saı saqtaý úshin barlyq jaǵdaı jasalǵan jáne arnaıy qural jabdyqtarmen tolyq qamtamasyz etilgen.
Epıdemıologııalyq jaǵdaıǵa baılanysty elimizde medısınalyq maskanyń jetispeýshiligi baıqalyp turǵany da jasyryn emes. Osyǵan baılanysty Qyzylordadaǵy «Dalatex» kompanııasy maska tigýdi qolǵa alyp otyr. О́ńir basshysy osy seriktestiktiń tigin fabrıkasynda da boldy. Qazir munda táýligine 10 myń dana maska shyǵarylýda. О́nim Qyzylordadan bólek, Qaraǵandy, Nur-Sultan jáne Almatyǵa jóneltiledi. Otandyq ónimniń taǵy bir ereksheligi birneshe ret jýyp, útiktep qoldanýǵa bolady.
Oblys ortalyǵyndaǵy Magnum saýda ortalyǵynda aralaǵan óńir basshysy baǵa turaqtylyǵy men azyq-túlik qory árdaıym baqylaýda bolatynyn aıtty.