Búgin Jýsan Bank-tiń Almatydaǵy baspasóz qyzmeti Shymkent qalasyndaǵy Jýsan Bank bólimshesindegi qarýly tonaý áreketi toqtatylyp, tonaýshyny banktiń qaýipsizdik bóliminiń qyzmetkeri tizgindegeni týraly málimdedi. Bank qyzmetkerleri men klıentteri arasynda zardap shekkender joq.
Shymkenttegi Mangeldın kóshesi, 43/1 mekenjaıy boıynsha ornalasqan Jýsan Bank-tiń №112 BQO bólimshesindegi qylmystyq áreket kezinde 1971 jyly týylǵan er adam ustaldy, ol oqý granatasyn paıdalanyp, kassadan qolma-qol aqshany alý arqyly qylmys áreketin uıǵarǵan bolatyn.
«Bul jaǵdaı Jýsan Bank-tiń qyzmetkerleri jumysyna degen joǵary daıyndyq pen kásibı biliktilikpen qaraıtynyna taǵy bir dáleli deýge bolady. Bizdiń klıentterimiz Jýsan Bank-tiń bólimshelerinde qajetti banktik qyzmetterdi qaýipsiz túrde qoldana alady, ózin qaýipsiz sezinýge bolady. Osyndaı kúrdeli ýaqytta biz qaýipsizdik sharalaryn kúsheıttik jáne bárine daıynbyz», – dedi Jýsan Bank Basqarma tóraǵasy Aıbek Qaıyp.
Keshegi kúnniń ekinshi jartysynda bank bólimshesiniń kassasyna aqsha aıyrbastaý úshin bir eresek adam júgindi. Kassırge er adam elektrondy kezek talonymen birge «Bomba» degen jazýy bar qaǵaz paraǵyn tapsyrdy. Sodan keıin kassırden barlyq qolma-qol aqshany berýdi surady, al barlyq otyrǵan klıentter men qyzmetkerlerge granatany kórsetip, eshkimniń qozǵalmaýyn jáne qarsylyq kórsetpeýdi talap etti.
Banktiń qaýipsizdik bóliminiń qyzmetkeri Smaıl Ájikulov dál sol mezette tonaýshymen kelissóz júrgizip, onyń uıǵarǵan áreketinen bas tartý úshin áreket etti. Smaıl sol sátti paıdalanyp, tonaýshyny birden zalalsyzdandyryp, keıin onyń oqý granatasy-mýlıaj ekenine kóz jetkizdi.
Dabyl túımesi sıgnaly boıynsha bank bólimshesine vedomstvodan tys kúzet kelip, polısııa qyzmetkerleri shaqyrtylyp, tonaýshy ustaldy. Qazirgi ýaqytta tergeýshiler kýágerlerge suraý salý men dálelder jınaý jumysyn júrgizilip jatyr.
Bank basshylyǵy Smaıl Ájiqulovqa alǵysyn bildirgen, ol kórsetken batyldyǵy men qyzmettik mindetin minsiz oryndaǵany úshin syıaqymen marapattalatyn bolady.