Búgin oblys ákimi Qýanyshbek Ysqaqov Jalaǵash aýdanynda bolyp, aktıvke aýdannyń jańa ákimin tanystyrdy. Bul laýazymǵa osyǵan deıin oblystyq jumyldyrý daıyndyǵy basqarmasynyń basshysy qyzmetin atqarǵan Asylbek Shámenov taǵaıyndaldy.
Asylbek О́mirbekuly 1978 jyly dúnıege kelgen. Abaı atyndaǵy Almaty memlekettik ýnıversıtetin «Halyqaralyq týrızm», Qyzylorda memlekettik ýnıversıtetin «Munaı-gaz ken oryndaryn ıgerý» jáne «Qurylys» mamandyqtary boıynsha bitirgen.
Eńbek jolyn 1999 jyly «Qyzylorda ıntegrasııa» kompanııasynyń menedjeri retinde bastap, ár jyldary oblystyq memlekettik sáýlet-qurylys baqylaý, sondaı-aq oblystyq energetıka jáne turǵyn úı-kommýnaldyq sharýashylyq basqarmalarynda jaýapty qyzmetter atqarǵan.
2012-2018 jyldary oblystyq energetıka jáne turǵyn úı-kommýnaldyq sharýashylyq basqarmasy basshysynyń orynbasary. Qyzylorda qalasy ákiminiń orynbasary boldy. Sońǵy 2 jylda oblystyq jumyldyrý daıyndyǵy basqarmasynyń basshysy qyzmetin atqardy.
Aımaq basshysy Qýanyshbek Ysqaqov jańa ákimniń aldaǵy jumysyna sáttilik tilep, aýdan ekonomıkasynyń damýy men áleýetiniń artýyna kúsh salatynyna senim bildirdi.