Nashaqorlyqqa jáne esirtki bıznesine qarsy is-qımylǵa baǵyttalǵan qyzmetti úılestirý jónindegi oblystyq vedomstvoaralyq shtab pen oblystyq Polısııa departamenti Esirtki qylmysyna qarsy is-qımyl basqarmasynyń is-sharalary jospary aıasynda oqýshylar arasynda «Men saǵan esirtki jaıly aıtyp beremin...» taqyrybynda shyǵarmashylyq saıys uıymdastyryldy.
Jasóspirimderdiń esirtkiniń zııany jaıly tanymyn keńeıtip, olardy jaman ádetten aýlaq bolýǵa úndegen saıysta qatysýshylar esse jazdy.
Qyryq úsh shákirt qatysqan saıystyń qorytyndysynda tapsyrylǵan jumystarǵa taldaý jasaǵan mamandar jasóspirimderdiń adamzat úshin tajalǵa aınalǵan esirtkiniń zııanyn taldaýda kóp izdengenderin atap ótti.
Komıssııa sheshimimen qaladaǵy №23 mektep-lıseı oqýshysy Ámına Jıynbaeva (I oryn), №176 orta mektepten qatysqan Bekzat Tasqynbaı (II oryn), №271 orta mektep oqýshysy Málıka Absatqyzy (III oryn) oblys jeńimpazdary atandy.
Taǵy 10 oqýshy aımaqtyq saıys úzdikteri bolyp tanyldy. Jeńimpazdarǵa dıplomdar men baǵaly syılyqtar tabys etildi.