Búgin Qazaly aýdanyndaǵy áleýmettik nysandarǵa dezınfeksııalyq jumystar júrgizildi. Bul týraly aýdan ákiminiń baspasóz qyzmeti habarlady.
Túski úzilis kezinde mamandar halyqqa qyzmet kórsetý ortalyǵyn dezınfeksııalady. Infeksııalyq aýrýlardyń taralmaýyn kózdegen shara Q.Pirimov kóshesindegi sport kesheninde, Janqoja batyr jáne Qojanazar ıshan meshitinde jalǵasty.
Osy kúni Birjan sal kóshesindegi jataqhana, «Jalańtós bahadúr» atyndaǵy ortalyq stadıon, aýdandyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń ǵımarattarynda da sanıtarlyq sharalar jasaldy.