Qyzylordada Elbasy, Nur Otan partııasynyń Tóraǵasy N.Á.Nazarbaevtyń tapsyrmasyna oraı Nur-Sultan jáne Almaty qalalaryndaǵy áleýmettik álsiz toptarǵa qoldaý kórsetýge baǵyttalǵan «BIZBIRGEMIZ» atty aksııaǵa oraı qaıyrymdylyq sharasy bastaldy.
Aksııaǵa Jas Otan jastar qanatynyń eriktilerinen jasaqtalǵan shaǵyn toptar, kásipkerler óz úlesterin qosty. Jalpy shara aıasynda óńirdegi 1150-ge jýyq turǵynǵa qoldaý kórsetilmek.
Jalpy, atap ótý kerek, partııa Tóraǵasynyń tapsyrmasyna oraı, partııanyń «Ardagerlerdi ardaqtaıyq», «Kedergisiz keleshek», «Baqytty otbasy» jobalary aıasynda joǵaryda atalǵan qalalardaǵy aǵaıynǵa ataýly kómek kórsetý úshin 150 mln teńge baǵyttaldy, Sonymen qatar partııanyń ortalyq apparaty men barlyq fılıal qyzmetkerleri qosymsha kómek retinde ózderiniń bir kúndik jalaqylaryn aýdardy.
Koronavırýstyń taralýyna jol bermeýge baǵyttalǵan shekteý sharalaryn engizýge baılanysty azamattardy jeke qabyldaý jumystary ýaqytsha toqtady. Búginde azamattardy qabyldaý jumystary Sall-ortalyqtar men partııanyń onlaın-servısteri qyzmeti arqyly júrgizilýde.