Bilim jáne ǵylym vıse-mınıstri Rústem Bıǵarı, Sıfrlyq damý vıse-mınıstri Daryn Tuıaqov, sondaı-aq, «Qazaqtelekom» AQ, «Transtelekom» AQ, «Kar-Tel» JShS, «Ksell» AQ, «Mobaıl Telekom-Servıs» JShS, «Astel» AQ sııaqty baılanys operatorlarynyń basshylary Yntymaqtastyq týraly tıisti memorandýmǵa qol qoıdy. Endi elimizdegi tótenshe jaǵdaıǵa baılanysty qazaqstandyqtarǵa bilim berý ınternet-resýrstaryna tegin kirýge múmkindik beriledi. Bul týraly Bilim jáne ǵylym mınıstrliginiń baspasóz qyzmeti habarlady.
"Jaqyn arada atalǵan baılanys operatorlary kolledjder men JOO-ǵa qashyqtan oqytý kezinde paıdalanylatyn bilim berý resýrstaryna tegin kirýge múmkindik beretin tarıftik josparlar ázirleıdi (qazirgi qoldanystaǵy talaptar ózgertiledi).
Iаǵnı, bul saıttardy paıdalanǵan kezde abonentterdiń ınternet-trafıkteri (megabaıttary) eseptelmeıdi. Tótenshe jaǵdaıdy jarııalaý kezeńinde bilim berý mekemeleri (JOO men kolledjder) qashyqtan oqytýǵa kóshýine baılanysty bul sharanyń mańyzy zor" delingen baspasóz baıandamasynda.
Belgili bolǵandaı, qazaqstandyqtar tómende kórsetilgen, ıaǵnı Bilim jáne ǵylym mınıstrligi usynǵan bilim berý resýrstaryna erkin kire alady. Bul resýrstarǵa kirý úshin paıdalanýshynyń shotynda balans bolýy kerek. Bilim berý resýrstaryna tegin qol jetkizý týraly aqparat baılanys operatorlarynyń saıttarynda ornalastyrylady.
Tótenshe jańdaı kezeńinde tegin paıdalanýǵa usynylǵan bilim berý ınternet-resýrstary mynadaı:
AIS «SOVA.WS» - http://sova.ws SMART community - http://smartedu.kz SMARTNATION - http://snation.kz College.Snation http://college.snation.kz BilimLand https://bilimland.kz/ruAIS Bilimal http://college.bilimal.kz/ Paragraph Bilim - http://base.blm.kz Kundelik.kz - https://portal.kundelik.kz/ AIS «Platonus» - http://platonus.kz BilimAl.kz https://www.bilimal.kz/ DALES - http://college.ektu.kz Mektep.edu.kz - https://mektep.edu.kz I-mektep.kz - https://i-mektep.kz/ Daryn.Online https://daryn.online/ AIS "CollegeSmart Nation -https://college.snation.kz/ AIS Sırıýs http://somniumllp.com/project-sirius/ AIS Ýnıver https://univer.kstu.kz/ IS Dekanat https://www.mmis.ru IS PGÝ http://psu.kz/ Elektronnyı rektorat http://nkzu.kz EUniver http://euniver.vkgu.kz/ IS VKGTÝ https://www.ektu.kz/ MÝIT https://www.iitu.kz/ Uninet http://uninet.kz/Vedomstvonyń baspasóz qyzmeti tizimdegi ınternet-resýrstardyń qatary bolashaqta tolyǵa túsetinin jetkizdi.