Qyzylorda qalasynyń ákimi Nurlybek Nálibaev halyq kóp jınalatyn nysandardaǵy tótenshe jańdaı talaptarynyń saqtalýyn qadaǵalaý maqatynda oblys ortalyǵyndaǵy temirjol vokzaly, avtovokzal men áýejaıdy aralady.
Qyzylorda temirjolyna kúndelikti 4,5-5 myń adam keledi. Oǵan arly-berli ótip jatqan myńdaǵan jolaýshyny jáne qosyńyz. Biraq, osynsha halyq shoǵyrlanatyn nysanda sanıtarlyq talaptyń oryndalýy oıdan shyǵyp turǵan joq.
Mysaly, vokzal ǵımaratyna qoıylǵan antıseptıkter jetkiliksiz. Bılet kassalarynyń aldy adam nópirinen úzilmeıdi. Qala ákimi osyǵan baılanysty vokzal basshylyǵyna tapsyrma berdi. Eń áýeli, ǵımarat ishinde dezınfeksııalyq jabdyqtardy kóbeıtý kerek, sosyn jolaýshylardyń kassa satatyn zalǵa birtindep kirýin qadaǵalaǵan jón. Qalǵan adamdardyń syrtta kúte turǵany durys. Qala basshysy perrondy da udaıy taza ustaýdy tapsyrdy.
- Temirjol vokzaly qalanyń qaqpasy sanalady. Syrttan kelgen jurt qala tazalyǵyna vokzalǵa qarap, baǵa berip ketedi. Temirjoldyń qala aýmaǵyndaǵy bóliginiń boıyn taza ustaý da esten eki eli shyqpaý kerek, – dedi qala basshysy.
Osyndaı talaptar avtovokzal men áýejaı ǵımarattaryna da qatysty aıtyldy.