Koronavırýsqa qarsy saqtyq sharalary Qyzylorda qalasyndaǵy ZK-169/4 mekemesinde de kúsheıtildi. Bul týraly oblys boıynsha QAJD baspasóz qyzmeti habarlaıdy.
Mekemeniń jeke quramy sottalǵandarǵa qaýipti indettiń belgileri, taralýy, jeke bas tazalyǵy erejeleri jaıynda aqparattyq- túsindirý jumystaryn júrgizip jatyr. Sonymen qatar, tótenshe jaǵdaıǵa baılanysty sottalǵandardyń týysqandarymen kezdesýlerine tyıym salynyp, mekeme aýmaǵyndaǵy óndiristik oryndarda jumys isteıtinderge shekteý qoıyldy. Mekemeniń medısına bóliminde koronavırýstyq ınfeksııany juqtyrý kúdigi anyqtalǵan jaǵdaıda naýqasty oqshaýlaý úshin sanıtarlyq- epıdemıologııalyq talaptarǵa sáıkes ınfeksııalyq ızolıator jabdyqtalǵan. Bir rettik medısınalyq maskalar, antıseptıkalyq ertindilermen qamtamasyz etildi.
Qyzmetkerler men sottalǵandardyń qaýipsizdigi úshin temperatýrany lezde anyqtaıtyn Infrared Thermometer YHW-2 apparaty satyp alyndy. Medısına qyzmetkeri osy apparattyń kómegimen bas-aıaǵy 1 sekýndta kúndelikti tańerteń jumysqa túsetin qyzmetkerlerdiń dene temperatýrasyn anyqtaıdy.