Qorqyt Ata atyndaǵy QMÝ Hımııalyq zertteýler jáne tehnologııalar ınstıtýty ujymy bakterııaǵa qarsy antıseptıkalyq suıyqtyq ázirlep shyǵardy.
Suıyqtyqtyń antıseptıkalyq áseri keminde 1 saǵat saqtalady. Medısınalyq maskaǵa seýip, keptirip kııýge de bolady. Bul týraly patent avtory, ǵalym Nurbol Appazov Feısbýktegi paraqshasynda jarııalady.
Nurbol Appazovtyń aıtýynsha, suıyqtyq bar-joǵy 10 kúnniń ishinde daıyn bolǵan. Osy kúnge deıin ınstıtýt ujymy 20 lıtr antıseptık suıyqtyq daıyndapty. Aldaǵy ýaqytta onyń kólemin kóbeıtýdi josparlap otyr. Ár qutynyń kólemi 30 mıllılıtr.