Qyzylorda polıseıleri oblystyń úsh turǵynyn WhatsApp messendjeri arqyly jalǵan aqparat taratqany úshin qylmystyq jaýapkershilikke tartty. Bul týraly Polisia.kz saıty habarlaıdy.
Jalǵan aqparat taratyp, jurtty dúrliktirgenderdiń ekeýi oblys ortalyǵynan anyqtalǵan. Úshinshisi Jańaqorǵan aýdanynyń turǵyny bolyp shyqty. Ol jeli arqyly «Aýdanda 3 adam koronavırýs dertine shaldyqty» degen habar taratqan. Kúdiktiler óz áreketterin tolyq moıyndap otyr.
Barlyq faktiler QR Qylmystyq kodeksiniń 274-baby 4-bóligimen tirkeldi.
- Mundaı faktilerdi anyqtaý úshin kún saıyn áleýmettik jelilerge monıtorıng júrgizilýde jáne jalǵan aqparat taratqandardy anyqtaıtyn qajetti tehnıkalyq múmkindikter bar, – dedi oblystyq polısııa departamentiniń bastyǵy Sultan Bektóre.