Elimizdegi tótenshe jaǵdaıǵa baılanysty Qyzylorda oblysy polısııa departamentiniń jeke quramy keshe oblystaǵy 300-ge jýyq dámhana-meıramhanalardy tekserdi. Bul týraly oblystyq polısııa departamentiniń baspasóz qyzmeti habarlaıdy.
Onyń barysynda 6 dámhana ıesi tótenshe jaǵdaı rejımine qaramastan túngi ýaqytta jumystaryn jalǵastyrǵany anyqtaldy. Bes derek oblys ortalyǵynda anyqtalsa, bireýi Jańaqorǵan aýdanynda oryn alǵan. Osyǵan baılanysty kásipkerlerge QR ÁQBtK-niń 476-baby boıynsha ákimshilik hattamalar toltyrylyp, jınaqtalǵan qujattar sotqa joldandy.
Tótenshe jaǵdaı talaptaryna sáıkes iri saýda nysandary 10.00-den 18.00, kıim-keshek bazarlary 11.00-den 17.00-ge deıin ǵana ashyq bolady. Dámhana men meıramhanalarǵa kelýshilerdiń sany 50 adamnan aspaýy kerek jáne jumysy 22.00-de toqtaýy tıis.
Atalǵan shekteýlerdi oryndamaǵany úshin kafeler men meıramhana ákimshiligine QR ÁQBtK-niń 476-baby boıynsha 10 AEK aıyppul salynady nemese 15 táýlikke qamaý jazasy qoldanylady.
Tótenshe jaǵdaı rejımi kezindegi talaptarynyń saqtalýyn qadaǵalaý maqsatyndaǵy jumystar jalǵasa beredi.