«Qazgıdromet» RMK Qyzylorda oblysy boıynsha fılıaly mamandarynyń búgingi aýa raıy boljamynda oblys aýmaǵynda soltústik-shyǵystan qatty jel soǵatyny jaıly aıtylǵan bolatyn.
Sınoptıkter boljaǵandaı ekpini sekýndyna 23-28 metrge jetetin daýyl kóterilip, birneshe nysandardyń shatyryn ushyryp ketti. Mysaly, búgin «Bolashaq» ýnıversıtetiniń eski ǵımaraty shatyrsyz qaldy. Ýnıversıtet korpýsy byltyr sol jaǵalaýǵa kóship, bul ǵımarat kópten beri bos turǵan bolatyn.
Bul oqıǵaǵa baılanysty qala ákimdiginiń baspasóz qyzmeti shatyrdyń qulaýynan eshkim zardap shekpegenin, qazir onda qalpyna keltirý jumystarynyń júrgizilip jatqandyǵyn habarlady.