Qala ákimi Nurlybek Nálibaevtyń tapsyrmasymen jedel shtab músheleri qaladaǵy birneshe saýda oryndaryn aralap shyqty.
Komıssııa jetekshisi, shahar basshysynyń orynbasary Bektas Nurıdınov aldymen halyqqa eń qajetti degen un, maı, sút, kartop, sábiz, jýa, t.b. ónimder baǵasyna mən berdi.
Qazir óńirlik turaqtandyrý qoryndaǵy un áleýmettik nan pisiretin naýbaıhanalarǵa tómen baǵada berilip, búgingi as atasy 55 teńgeden satylýda. Qalada taýarlar baǵasyna kúndelikti monıtorıng jumystary júrgizilip jatyr.
Azyq-túlik baǵasyn ósirmeýge qaladaǵy «Altyn qamba» qory da úles qosyp otyr. Búgingi oblys ortalyǵynda 26 áleýmettik dúken bar. Jyl ishinde halyq tyǵyz ornalasqan aýmaqtardan taǵy da osyndaı saýda núktelerin salý josparlanýda.