Amerıkalyq áıdik fantast jazýshy Djordj Martın shartarapty sharlaǵan koronavırýstyń óz tvorchestvosyna orasan zor paıdasy tıip jatqanyn habarlady.
Avtordyń sózinshe, karantın myń-mıllıon kórermenniń kózaıymyna aınalǵan «Taqtar talasy» serıalynyń aıaqtalýyna yqpalyn tıgizýde. Demek «Muz ben ottyń áni» («A Song of Ice and Fire») roman-epopeıasynyń jazǵa salym jarııalanady dep josparlanǵan altynshy bólimi «Qys samaly» («Vetra zımy») úzdiksiz jazylýda. Kórermen men oqyrman kóp jyldar boıy kútken bul bólimniń jaryqqa shyǵýyáıgili teleserıaldyń altynshy hám jetinshi maýsymdarymen tikeleı baılanysty.
«Shynymdy aıtsam, qazir kóp ýaqytymdy óz ómirimde emes, Vesterosta ótkizip jatqandaımyn. Ala tańnan qara keshke deıin jazý ústelindemin», – dedi avtor áleýmettik jelidegi paraqshasynda.
Ádebıet salasy boıynsha Nobel syılyǵyna usynylǵan (2019 jyly) «Muz ben ottyń áni» («A Song of Ice and Fire») epopeıasynyń jelisimen «Taqtar talasy» («Igra prestolov») serıaly túsirilgen edi. Aıta ketý kerek, bul fılm sońǵy jyldardaǵy eń tanymal telejobalardyń biri sanalyp, on jyldyń kóleminde kórermenderdiń qyzyǵýshylyǵyna bólenip keledi. Romanda oıdan qurastyrylǵan eki kontınent arasyndaǵy báseke, Vesteros patshalyǵynyń bıligine talas sóz bolady.Sonymen qatar Martın juqpaly aýrýdyń dendep meńdegenine baılanysty qoǵamnan oqshaýlanyp, tek jazýmen aınalysyp jatqanyn aıtty.