«Atameken» ulttyq kəsipkerler palatasy tótenshe jaǵdaı kezinde bıznes ókilderi arasynda arnaıy saýaldama júrgizdi. Onyń nətıjesinde jumystan bosatylǵan jəne qysqartylǵan qyzmetkerler belgili boldy.
Saýaldama naýryzdyń 23 bastalyp, bir táýlikte 814 kásipker qatysty. Olardyń basym bóligi karantınge jabylǵan Nur-Sultan (22%) jáne Almaty (21%) qalalarynyń isker azamattary. Atap aıtqanda, qatysqandardyń 23%-y týrızm salasynyń ókilderi. Sol sekildi 18% jeke qyzmet kórsetý, 13% bilim berý jəne ornalastyrý men tamaqtandyrý boıynsha qyzmet usynatyn 98 kásiporyn basshylary suralǵan.
"814 kásiporynda uzyn sany 14,2 myń qyzmetker eńbek etedi. Saýalnama nátıjesi boıynsha qyzmetkerlerdiń 40%-y karantın kezeńide eńbekasy saqtalmaıtyn merzimsiz demalysqa ketedi. 14% jumystan bosatylady. Jumystan bosatý kórsetkishi Almatyda joǵary (562 adam nemese eldegi bosatylǵandardyń 33%-y). Ekinshi orynda Nur-Sultan qalasy – 300 adam. Úshinshi satyda 147 adammen Qaraǵandy shahary jaıǵasqan. Sondaı-aq eńbekaqysy saqtalmaıtyn demalysqa shyǵarýdan nemese shyǵarýdy josparlap otyrǵandardyń ishinde Almaty (31%), Nur-Sultan (21%), Almaty oblysy (9%) alǵashqy qatarda" delingen palatanyń resmı saıtynda.
Əsirese, týrızm segmentinde jumystan bosatylǵandardyń qarasy joǵary (356 adam) bolady dep boljanýda. Jaǵymsyz dınamıka ornalastyrý jáne tamaqtandyrý qyzmetinde 19% (320 adam) kórsetpek. Bilim berý salasynda 12% (199 adam). Ulttyq palata sarapshylarynyń pikirinshe, jumystan bosaǵandardyń sany əli óse túsedi. Jumys oryndaryn saqtaýǵa baılanysty kəsipkerler palatasy usynys əzirlegen. Onyń tolyq nusqasy "Atameken" UKP-nyń resmı saıtynda jarııalanǵan.