Qazalyda aýdan turǵyndaryna elimizde jarııalanǵan tótenshe jaǵdaı kezinde adam kóp jınalatyn jerlerge barmaý, toı-jıyndar ótkizbeý jóninde túsindirme jumystary kúndelikti júrgizilýde. Bul baǵytta mobıldik top músheleri turǵyndarǵa jańa talap jaıly aıtyp, tártipti buzǵandardy da anyqtaýda.
Mysaly, 25 naýryzda aýlasyna toı jasaǵan Áıteke bı kentiniń turǵyny aýdandyq sot sheshimimen tótenshe jaǵdaı rejımin buzǵany úshin jazalandy. Oǵan qatysty QR «Ákimshilik quqyq buzýshylyq týraly» Kodeksiniń 476-baby boıynsha is qozǵalyp, 7 táýlikke ákimshilik qamaqqa alý jazasy taǵaıyndaldy.
Sondaı-aq, 23 naýryz kúni «Naýryz» meıramhanasynda qyz uzatý toıyn jasaǵan turǵynǵa da ákimshilik hattama toltyrylyp, aýdandyq sotqa joldandy.