Bul týraly oblystyq densaýlyq saqtaý basqarmasynyń basshysy Súlen Ilııasov habarlady.
Atalǵan azamattar buǵan deıin úı karantıninde jatqan. Sebebi, olardyń koronavırýsqa shaldyqqan elordalyq týysy qonaqta bolǵan eken.
- Atalǵan 3 adam qazir ınfeksııalyq stasıonarda jatyr. Jaǵdaılary qanaǵattanarlyq. Olar: 1954 jyly týǵan áıel, 1949 jyly týǵan er adam jáne olardyń 1990 jyly týǵan uldary. Olardan bólek, bizde qazir stasıonarlyq karantınde 95 pasıent baqylanyp jatyr. Barlyǵynyń jaǵdaıy qanaǵattanarlyq, - dedi Súlen Ilııasov.
Aıta ketý kerek, aýrý belgileri anyqtalǵan adamdardyń barlyq jaqyndary qazir aýrýhanaǵa jatqyzylyp, qatań baqylaýǵa alynǵan. Elorda irgesindegi Qosshy aýyly qazir aýrýdyń oshaǵyna aınalyp otyr.