Oqıǵa Shemonaıha aýdanynda bolǵan. Urylar shirkeýde qoıylǵan qaıyrymdylyq jáshiginen 200 myń teńge jymqyryp ketti, dep habarlady Altaynews agenttigi.
Urlyq jaıly polısııaǵa shirkeý basshysy habar beripti. Din qyzmetshisiniń aıtýynsha, belgisiz bireýler shirkeýdegi ıkona dúkeniniń ǵımaratyna kirip, qaıyrymdylyqqa arnalǵan jáshikterden jınalǵan aqshany alyp ketken.
Aýdandyq polısııa bóliminiń ınspektory Abzal Qurmanov pen ShQO PD Krımınaldyq polısııa basqarmasynyń qyzmetkerleri kúdiktilerdi quryqtady. Urlyq jasaǵandar 42 jáne 79 jastaǵy er adamdar eken. Ekeýi de buryn sotty bolǵan.
Shirkeýge urlyqqa túsýdi aldyn ala birge josparlaǵan. Bireýi keshki ýaqytta ıkona dúkeniniń shatyrynyń astyna jasyrynyp alady. Shirkeý qyzmetkerleri ketkennen keıin ol ǵımarattyń ishine kirip, qaıyrymdylyq jáshiginiń qulpyn buzady. Qarajatty alǵan soń tereze arqyly qashyp ketken. Al onyń sybaılasy bireý kelip qalǵan jaǵdaıda eskertý úshin kóshede kúzette turǵan eken.
Urylarǵa qatysty qylmystyq is qozǵalyp, sotqa deıingi tergeý amaldary bastaldy.