Tennısten qazaqstannyń birinshi raketkasy Elena Rybakına Sportsmole.co.uk. basylymynyń nusqasy boıynsha bolashaq álem juldyzyna balanǵan TOP-10 tennısshiniń qatarynan kórindi.
«2019 jyly US Open básekesinde top jarǵan kanadalyq Bıanka Andreeský men qazaqstandyq Elena Rybakına arasynda aıtarlyqtaı aıyrmashylyq bar. 20 jastaǵy qazaqstandyq tennısshi ótken jyldyń shilde aıynda alǵashqy júzdikke ense, bıyl 17-orynǵa kóterildi. Sondaı-aq ol jyl basynda WTA Tour tıtýlyn jeńip alsa, ótken aıda Dýbaıda Sofııa Kenın men Karolına Plıshkovany jeńip, úsh týrnırdiń fınalyna shyqty», delingen Sportsmole.co.uk basylymynda.
Aıta keteıik, bıyl Rybakına kortta 25 match ótkizip, 21 oıynda jeńiske jetken bolatyn. Sondaı-aq WTA sanatyna enetin tórt birdeı týrnırdiń fınalynda óner kórsetti. Osyndaı tabysty nátıjesiniń arqasynda tennısten qazaqstannyń birinshi, álemniń 17-raketkasy atandy.