Parlament Májilisiniń jalpy otyrysynda palatanyń Áleýmettik-mádenı damý komıtetiniń tóraǵasy saılandy.
Jaqynda Prezıdent Qasym-Jomart Toqaevtyń Jarlyǵymen Gúlshara Ábdiqalyqova Qyzylorda oblysynyń ákimi bolyp taǵaıyndalyp, Parlamenti Májilisiniń Áleýmettik-mádenı damý komıtetiniń tóraǵasy orny bosady.
Májilis Tóraǵasy Nurlan Nyǵmatýlın Qazaqstan Respýblıkasy Parlamentiniń komıtetteri men komıssııalary týraly Zańynyń 8-babyna sáıkes bosaǵan orynǵa Beıbit Mamraevty usyndy. Onyń kandıdatýrasyn depýtattar biraýyzdan qoldady.
– Beıbit Mamraev osyǵan deıin kóptegen jaýapty qyzmet atqardy. Sońǵy jyldary Májilis depýtaty, Áleýmettik-mádenı damý komıtetiniń hatshysy bolyp mańyzdy zańdardyń qabyldaýǵa óz úlesin qosyp keledi. Osy salada bilimi men tájirıbesi mol. Sondyqtan atalǵan komıtetti basqarýǵa Beıbit Mamraev laıyqty dep esepteımin, – dedi Nurlan Nyǵmatýlın.