Qostanaılyq polıseıler oblys ortalyǵyndaǵy kóshelerge indetke qarsy suıyq dári shasha bastady. Polısııanyń «ARS -14» arnaıy tehnıkasy keshe keshkilik Táýelsizdik, Abaı, Baıtursynov, Gogol kósheleri men trotýarlarǵa hımııalyq eritindi búrkip shyqty. Jol saqshylarynyń avtopatrýli daýys ulǵaıtqysh arqyly turǵyndarǵa zalalsyzdandyrý júrip jatqany týraly eskertip, saqtandyryp otyrdy.
- Biz azamattarǵa qajet qaýipsizdik sharalarynyń júzege asýyna kómektesip jatyrmyz. Turǵyndardy tótenshe jaǵdaıda júrgizilip jatqan sharalarǵa túsinistikpen qarap, qaýipsizdik talaptaryn saqtaýǵa shaqyramyn. 2 sáýirden bastap qoǵamdyq kólikter men taksı júrgizýshileri, barlyq jolaýshylar mindetti túrde petperde taǵyp, qolǵap kıip júrýi tıis. Taksıge eki jolaýshydan artyq otyrýǵa bolmaıdy, - dedi oblystyq PD bastyǵynyń birinshi orynbasary Nyǵmet Ismaǵulov.
Qostanaı