Sáýir aıynan bastap «Astana» velokomandasy jarys qaıta bastalǵansha qyzmetkerleriniń jalaqysyn 30%-ǵa qysqartady. Bul týraly sports.kz saıty habarlady.
Buǵan deıin Halyqaralyq velosıpedshiler odaǵy (UCI) koronavırýs pandemııasy saldarynan jarysty toqtatý kezeńin 1 maýsymǵa deıin uzartqan edi.
«Qazir velosport álemi úshin, sondaı-aq bizdiń komanda úshin kúrdeli kezeń bolyp tur. Sondyqtan osyndaı qadamǵa barýǵa májbúr boldyq. Munyń bári jaqynda aıaqtalatynynan jáne jarys jolyna qaıta túsip, jeńiske jetetinimizden úmittenemiz. Biz jalaqyny 30% qysqartý týraly sheshim qabyldadyq. Bul synaqtan bárimiz birge ótýimiz kerek», dedi komandanyń bas menedjeri Aleksandr Vınokýrov.
Komandanyń bul sheshimin barlyq veloshabandoz túsinistikpen qabyldady.