Búgingi Almaty qalasy ákimdiginiń baspasóz ortalyǵyndaǵy onlaın brıfıng barysynda shahar basshysynyń birinshi orynbasary Erlan Qojaǵapanov turǵyndar úshin eń ózekti máselelerge toqtaldy.
Sonyń biri karantın jaǵdaıyndaǵy kósheler, aýlalar men turǵyn úılerdiń kireberisteri qandaı suıyqtyqpen zalalsyzdandyrylady? Adam aǵzasyna zııandy emes pe? Qustar men ıtter nege ólip jatyr? degen saýaldar.
Qala ákiminiń birinshi orynbasary ol úshin Abekterıl, Rýbın, natrıı hlorıdi sııaqty dezınfeksııalyq ertindilerdiń paıdalanylatynyn aıtty. Mamandardyń aıtýynsha, jan-janýarlarǵa mundaı dezınfeksııalyq zattardan ýlaný qaýpi joq.
«Dezınfeksııa jumystaryna 1,0 paıyzdyq hlorly eritindi paıdalanylady. Qalalyq veterıanarlyq qyzmeti KMK qyzmetkerleri qustarǵa qaýip keltiretin aýrýlar bolmaý úshin zerthanalyq zertteýler jasalyp, potologııalyq materıaldarǵa irikteý júrgizgen edi. Nátıjesinde qustardyń burynǵy muz aıdyny ornalasqan 100 sharshy metr alańqaıdan tabylǵany belgili boldy. Qustar muz aıdynynan erigen sýdy ishken. Al, ol sýdyń quramynda muzdyń uzaq saqtalýy úshin qoldanylatyn ýly zattar, ıaǵnı hlodagentterdiń bolǵany sebep bolyp otyr», – dedi Erlan Qojaǵapanov.