Astanada Naýryz meıramy qarsańynda Baıqońyr aýdanynyń zeınetkerleri «Jaqsylyq jasap jarysaıyq» atty qaıyrymdylyq aksııasyn ótkizdi. Ioga úıirmesine qatysatyn belsendi ájeler ár beısenbi saıyn qaıyrymdylyq sharalaryn uıymdastyrýdy ıgi dástúrge aınaldyrǵan, dep habarlaıdy Egemen.kz elorda ákimdiginiń resmı saıtyna silteme jasap.
Baıqońyr aýdany boıynsha áleýmettik qyzmet kórsetý bóliminiń sport nusqaýshysy Elvıra Shamsýtdınovanyń jetekshiligimen zeınetkerler azyq-túlik sebetterin daıyndady. Qaıyrymdylyq sebetine eń aldymen kúndelikti turmysqa qajetti negizgi azyq-túlik túrleri engizildi.
Erikti ájeler bul joly elordanyń shalǵaı aýmaǵynda ornalasqan Lesozavod shaǵyn aýdanynyń turǵyndaryna kómek kórsetti.
Atap aıtqanda, kópbalaly, jalǵyzbasty analarǵa, sondaı-aq jaldamaly páterde turatyn otbasylarǵa kómek kórsetti.
Astanada Naýryz merekesine oraı 200-den astam is-shara ótedi
О́z kezeginde áleýmettik qıyndyqtarǵa tap bolǵan otbasylar volonter ájelerge júrekjardy alǵystaryn aıtyp, aq batalaryn berdi. Qaıyrymdylyq aksııasy zeınetkerlerdiń qoǵamdaǵy belsendiligi men meıirimdiliginiń erekshe kórinisine aınaldy.