Arhımed Muhambetov Aqmola oblysy jaqtan Qarasý aýdanyna kelip kiretin kúre jolǵa qoıylǵan №11 tosqaýyl beketine bardy. Jol saqshylarymen kezdesip, olardyń jumys tártibimen tanysqan oblys ákimi sanıtarlyq-epıdemııalyq sharalardy qamtamasyz etýge jaýapty organdardyń daıyndyǵyna oń baǵa berdi.
Qazir №11 tosqaýyl beketi eki aýysymda jumys istep jatyr. Bir aýysymda 8 adam kezekshilik etedi: altaýy polıseı, ekeýi dáriger. 12 saǵattan soń olardyń ornyna kelesi aýysym keledi. Kezekshilikten shyqqandar sol beket basyndaǵy jatyn orynda uıyqtap tynyǵady. Munda qajetti jaǵdaıdyń bári jasalyp qoıǵan.
Beket polıseıleri oblys aýmaǵyna kirgen avtokólikterdi tirkeıdi, al sanıtarlar jolaýshylardyń qyzýyn ólshep, málimetterdi qattap otyrady.
Qazir aımaqta 10 tosqaýyl beketi jumys istep jatyr. Olar oblys aýmaǵynda júk tasymaldaıtyn kólikterdi tolyqtaı baqylaýǵa alǵan. Júk kóliginiń beketten qashan ótkeni, neshede keri qaıtqany mınýtyna deıin eseptelip, qaǵazǵa túsip jatyr.
Eldi mekenderge qatynaıtyn kólikterge kedergi joq. Tek avtobýs pen shaǵyn avtobýstardyń júrýine ruqsat joq.
Qostanaı oblysy