Aqtaýdaǵy Nazarbaev Zııatkerlik mektebinde de 2019-2020 oqý jylynyń IV oqý toqsany bastaldy. Jańa toqsannyń ereksheligi – qashyqtan oqýda. Zııatkerlik mekteptiń 137 muǵalimi búgin oqýshylarǵa qashyqtan sabaq berýde. Bul týraly atalǵan mekteptiń baspasóz qyzmeti habaraldy.
- Zııatkerlik mektepter Microsoft Teams baǵdarlamasynyń kómegimen sabaq bere bastady. Alǵashqy sabaq óte qyzyqty ótti. Sabaqqa qosylǵan oqýshylarymyzdyń barlyǵy derlik mektep formasyn kıip, jańa formatta sabaq oqýǵa daıyn ekenderin kórsetti. Platformadaǵa sabaq esh qıyndyqsyz ótti, deıdi 30 jyldyq tájirıbesi bar orys tili pániniń muǵalimi Zoıa Týlıaeva.
Oqýshylar da platformanyń tıimdiligin erekshe atap ótti.
-Maǵan baǵdarlama barysynda túrtpe jasap otyrýǵa arnalǵan fýnksııa erekshe tıimdi bolyp kórindi. Taǵy bir tıimdilik, ótip ketken sabaqty qaıtalap kórý múmkindigi. Bulaı sabaq oqý yńǵaıly bolǵanymen, biz mektepti, júzbe-júz ótkiziletin sabaqtardy, ustazdarymyzdy erekshe saǵyndyq, deıdi bilim ordasynyń 12-synyp oqýshysy Álibek Janaev.
Aıta keteıik, qazirgi tańda Aqtaý qalasyndaǵy Nazarabev Zııatkerlik mektebinde 706 bala qashyqtan bilim alyp jatyr. Buryn 80 mınýt ótkizilip kelgen sabaqtar 40 mınýttan, al 40 mınýttyq sabaqtar 20 mınýttan ótkizilýde. Ár sabaq arasynda oqýshylar 10 mınýttyq úzilis jasap, dene shynyqtyrýǵa, kózdi saqtaýǵa arnalǵan jattyǵýlar jasaıdy.
Mańǵystaý oblysy