Eldegi tótenshe jaǵdaı kezinde kóktemgi egis naýqanyn shektemegenimiz jón. Sebebi ekonomıkamyzdyń órleýine aýyl sharýashylyǵynyń tıgizer paıdasy kól-kósir.
Osyǵan oraı bıýdjetten 70 mıllıard teńge bólindi. Bul qarajat sharýalarǵa «Agrarlyq nesıe korporasııasy» AQ arqyly beriledi. Onyń ústemeaqysy 5 paıyzdan aspaıdy. Bul kásipkerlerge úlken kómek. Odan da bólek mańyzdy baǵdarlamalar iske asyrylyp jatyr. Máselen, dızel otyny baǵasynyń tómendeýi sharýashylyqtardyń qarjy únemdeýine sep. Ony jetkizetin operatorlardyń jumysy tolyǵymen ashyq bolatynyn eskersek sharýashylyqtardyń alańdaýyna negiz joq dep oılaımyn.
Prezıdentimiz Qasym-Jomart Toqaevty aýyl sharýashylyǵyna úlken qoldaý kórsetti. Tótenshe jaǵdaı kezinde atqarylyp jatqan sharalar ekonomıkamyzdyń kúni erteń kóterilýine yqpal etedi. Aıtalyq, kóktemgi egis naýqanyn erekshe baqylaýǵa alýy bolashaqta azyq-túlik qaýipsizdigin qamtamasyz etý turǵysynan mańyzy zor is.
Shyndyǵynda kúsheıtilgen karantın kóptegen kásipkerlerdiń qolyń baılap otyr. Sondyqtan memlekettiń qoldaýy zańdylyq. Alaıda bıznes ókilderi Úkimetten berilgen kómekti tıimdi paıdalanyp, kúndiz-túni tyńdaı eńbektenýi shart. Berilgen qarjyny ońtaıly paıdalansa ǵana is alǵa baspaq.
Qazir fermerler ýaqytpen sanaspaı kóktemgi dala jumystaryn júrgizip jatyr. Eger biz de qala turǵyndaryndaı úıde otyratyn bolsaq, jaǵdaıymyz tipten kúrdelenip ketpek. Sol sebepti aýylsharýashylyq qyzmetkerleri tótenshe jaǵdaıǵa qaramaı mindetterin atqarýda.
Jıgýlı DAIRABAEV,
Qazaqstan fermerleri odaǵynyń tóraǵasy