Almaty qalasynyń ákimi Baqytjan Saǵyntaevtyń tapsyrmasymen №4 Qalalyq klınıkalyq aýrýhananyń medısına qyzmetkerleriniń birqatar aryz-ótinishterine baılanysty qala ákiminiń orynbasary Erjan Babaqumarov medısınalyq uıym ókilderimen kezdesti.
Kezdesýge Almaty qalasy Qoǵamdyq densaýlyq basqarmasynyń basshysy Tileýhan Ábildaev qatysty. Kezdesý barysynda aýrýhanada atqarylyp jatqan jumystardyń júzege asyrylýy, dıfferensııaldyq eńbekaqy, syıaqy jáne basqa da yntalandyrý tólemderin júrgizý, jeke qorǵaný quraldarymen, atap aıtqanda, medısınalyq maskalarmen jáne antıseptıktermen qamtamasyz etý, sondaı-aq Almaty qalasynyń aýmaǵyndaǵy karantın kezeńinde basqa qalalardan kelgen qyzmetkerlerdiń turýy jóninde birqatar problemalyq máseleler kóterildi.
Medısınalyq ujymmen ótken jıynda barlyq máseleler qaraldy. Talqylaý barysynda gemodıalız bóliminiń aǵa medbıkesi Z.Ahmetova, dáriger-travmatolog E.Muratbek, travmatolog-ortoped M. Jumaǵulov, dáriger-sarapshy E. Súgir men basqa da mamandar usynys-tilekterin jetkizdi.