Mańǵystaý oblysy PD Krımınaldyq polısııa basqarmasynyń qyzmetkerleri tótenshe jaǵdaı rejımi talaptaryna qaramastan óz qyzmetin jalǵastyrǵan saýnany anyqtady, dep habarlady Mańǵystaý oblystyq Polısııa departamentiniń baspasóz qyzmeti.
Sonymen 06.04.2020 jyly saǵat 23:23-te profılaktıkalyq is-sharalar barysynda sý prosedýralaryn qabyldap, bılıard oınaı otyryp, spırttik ishimdikterdi qoldanyp, barlyq sanıtarlyq-gıgıenalyq normalardy saqtamaı, ýaqytty «tamasha» ótkizgen 5 adamnan turatyn jastar toby anyqtaldy. Otyrǵannyń esh bireýi qaladaǵy karantın týraly estimegen degen pikir qalyptasty.
Mekeme ákimshisine Qazaqstan Respýblıkasynyń ÁQBtK-niń 476-baby boıynsha ákimshilik hattama toltyrylyp, kelýshiler de osy bap boıynsha jaýapkershilikke tartyldy. Is materıaldary sheshim qabyldaý úshin sotqa jiberiletin bolady. Keıbir azamattardyń jaýapsyzdyǵynyń deńgeıi tań qaldyrady, olar búgingi kúni ómirlik mańyzdy talaptardy elemeı, óz densaýlyǵyna ǵana emes, aınaladaǵy adamdardyń ómirine de qaýip tóndiredi.
Biz turǵyndarǵa men qonaqtaryna osy baǵyttaǵy jumystar jalǵastyrylatyny týraly eskertkimiz keledi jáne bizge kelip túsken árbir aqparatty tekseremiz, delingen atalǵan vedomstvo joldaǵan habarlamada.