Jumyssyzdar qoldaýǵa muqtaj

Alqaly jıynda 9 sáýirge jos­­par­lanǵan Senattyń kezekti oty­ry­synyń kún tártibi maqul­dan­dy. Komıtet tóraǵalary onda qara­latyn máselelerden habardar etti.

Bıýro otyrysynda sóz bas­ta­ǵan Senat Tóraǵasy Darıǵa Nazarbaeva Prezıdent pen Tótenshe jaǵdaı tártibin qam­tama­syz etý jónindegi mem­leket­tik komıssııa koronovırýs ın­fek­sııasynyń taralýyna qarsy qajetti barlyq sharany shuǵyl jáne aldyn ala qabyldap jatqanyn atap ótti.

– Endi eń bastysy – is-shara­lar­dyń jergilikti jerlerde jú­zege asyrylyp, naqty oryndalýy. О́kinishke qaraı, kóbine tap­syr­­malardyń jergilikti jerlerde oryndalýy kóp suraqty týyndatyp jatady. Qazirgi kezde eldiń ekonomıkasyna da,  adamdarǵa da kúrdeli kezeńniń saldaryn aýyr sezinbeı shyǵý úshin memlekettik organdar­dyń, depýtattyq korpýs­tyń jáne barlyq deńgeıdegi ákimderdiń, sondaı-aq bıznes-qurylymdardyń birlesip kúsh jumsaǵany durys, –  dedi Senat basshysy.

Darıǵa Nazarbaeva Senat komı­tetterine 2020 jylǵa arnal­ǵan bıýdjetke engiziletin naqty­laýlardy muqııat zertteýdi jáne óz baǵyttary boıynsha onyń oryndalýyna monıtorıng júrgizýdi pysyqtaýdy tapsyrdy. Atap aıtqanda, 1 trln teńge bólinetin Jumyspen qamtýdyń jol kartasy baǵdarlamasyna nazar aýdarý qajet ekeni aıtyldy.

– О́ńirlerden saılanǵan depý­tattar óz aımaqtarynda Ju­mys­pen qamtýdyń jol kar­tasy­­nyń qarajatyn qandaı maq­sat­­tarǵa jáne obektilerge jumsaý jos­parlanyp otyrǵanyn mu­qııat zerdeleýi tıis. Burynǵy áleý­mettik baǵdarlamalardy iske asyrý kezinde kóptegen burmalaý­shylyqqa jol berilgenin biz jaq­sy bilemiz. Qalalardyń karantınge jabylýyna baılanysty jumyssyz qalǵan adamdarǵa kóńil bólý kerek. Olar erekshe qoldaýǵa muqtaj, – dedi Darıǵa Nazarbaeva.

Senat Tóraǵasy otyrys so­ńyn­da Elbasy men «Birgemiz» qoǵam­­dyq qorynyń aımaqtardaǵy tur­ǵyndarǵa kómek kórsetý jó­nin­­degi bastamasyn qoldaýda más­lı­hat depýtattarynyń jumy­syn uıymdastyrǵany úshin Par­­lament Senaty janyndaǵy jer­gilikti ókildi organdarmen (máslı­hat­tarmen) ózara is-qımyl jasaý jónindegi keńes tóraǵasynyń oryn­basary Tóleýbek Muqashevqa jáne Respýblıkalyq máslıhat de­pýtattarynyń birlestigine alǵys bildirdi.