Elimizde bastaý alǵan «Birgemiz» jobasy aıasynda azyq-túlik sebetin alǵan Gúlzada Muqasalıeva medısınalyq maska tigýde.
Onyń aıtýynsha, Nur Otan partııasy Atyraý oblystyq fılıalynyń volonterleri «Birgemiz» jobasy aıasynda azyq-túlik sebeti men medısınalyq maskalardy, sonymen birge antıseptıkalyq quraldardy jetkizip bergen.
«Bul – biz úshin úlken kómek. О́ıtkeni men múmkindigi shekteýli úsh balany tárbıelep otyrmyn. Al jubaıym densaýlyǵyna baılanysty udaıy dári-dármek qabyldaıdy. Turaqty jumysy joq. Memleket tarapynan buǵan deıin de áleýmettik jaǵdaıymyzdyń tómendigine baılanysty áleýmettik qoldaý jasalyp keldi. Ásirese Nur Otan partııasynyń Atyraý oblystyq fılıaly únemi járdemdesip turady» deıdi Atyraý qalasynyń turǵyny Gúlzada Muqasalıeva.
Buǵan deıin tapsyrys alyp, túrli taǵam pisirgen eken. Tótenshe jaǵdaı engizilgennen beri medısınalyq maska tigip, 100 danasyn áleýmettik turǵydan az qamtylǵan otbasylarǵa tegin taratyp kelgen. Qazir maskalardy qoljetimdi baǵamen satýda. Oǵan turǵyndardan da, jergilikti ákimshilikten de suranys bar.
Joldasbek KО́ShERBAIULY
ATYRAÝ