Bul týraly Mańǵystaý oblysynyń aqparattyq qyzmeti habarlady. Mańǵystaý oblystyq densaýlyq saqtaý basqarmasynyń habarlaýynsha, 2020 jyldyń 8 sáýirinde Jańaózen qalalyq aýrýhanasynyń provızorlyq bóliminde kúdikti bir naýqasta COVID-19 anyqtaldy.
Naýqas 1974 jyly týǵan Jańaózen qalasynyń turǵyny, ol dene qyzýy kóterilip, jedel-járdem kómegine júgingen. Qan taldamalary alynyp, indettiń belgileri anyqtaldy. Naýqasqa qajetti zerthanalyq jáne dıagnostıkalyq tekserister júrgizilgen soń, ınfeksııalyq bóliminiń boks palatasyna aýystyryldy. Dáriger-mamandar (ınfeksıonıst, reanımatolog, terapevt) materıaldyq tehnıkalyq quraldary jáne jeke qorǵanysh quraldarymen tolyqqandy qamtyldy.
Qazir ınfeksııa anyqtalǵan oshaqqa jáne onyń aýmaǵyna dezınfeksııalaý jumystary júrgizilýde. Baılanysta bolǵandar sanyn anyqtaý boıynsha epıdemıologııalyq tekserister men is sharalar júrgizilip jatyr. Naýqastyń qaıda jumys istegeni, kimdermen baılanysta bolǵany anyqtalyp jatyr. Jańaózen qalasy boıynsha búgingi tańda karantındik stasıonarda – 9 azamat, úı karantıninde - 23 azamat baqylaýda.
Sonymen Mańǵystaý oblysynda indet juqtyrǵandar sany 6 adamǵa jetti.
Mańǵystaý oblysy