Mańǵystaý oblysy qan ortalyǵyna kelýshiler qatarynda álemdik arenalarda atoı salyp júrgen sport sańlaqtary bar. Sondaı-aq bapkerler jáne sport mektepteriniń basshylary da shet qalmady. Boksshylar, palýandar, karateshiler jáne taǵy basqa jaýyngerlik klýbtarynyń ókilderi belsendi túrde qan tapsyrýda. Bul týraly Mańǵystaý oblysy Densaýlyq saqtaý basqarmasynyń baspasóz qyzmeti habarlady.
Mańǵystaý oblysy Dene shynyqtyrý jáne sport basqarmasynyń basshysy Nurbek Qarabalaevtyń aıtýynsha, sport sańlaqtary qatarynda turaqty donorlar jáne alǵash ret qan tapsyrǵandar bar. QR eńbek sińirgen jáne halyqaralyq dárejedegi sport sheberleri, sondaı-aq bolashaǵynan zor úmit kúttiretin jas sportshylardy atap ótýge bolady.
- Mańǵystaýda qannyń jáne onyń komponentteri eń tómengi shekke jetkendigin buqaralyq aqparat quraldary jáne áleýmettik jelilerden kórgen bolatynbyz. Beıjaı qarap otyra almadyq. О́z erkimen qoldaý bildirýge nıet bildirgender kóp boldy. Shúkir, bizdiń óńirde sport úıirmeleri kóp, bul uıymshyldyqtyń belgisi dep bilemin, - deıdi ol.
Máselen, donor bolǵandar qatarynda bokstan QR eńbek sińirgen sport sheberi, olımpıada rezervin daıarlaıtyn balalar-jasóspirimder oblystyq mamandandyrylǵan sport mektebiniń dırektory, álem chempıony, shoıyn judyryqty Erdos Jańabergenov bar.
Aqtaý qalalyq Dene shynyqtyrý jáne sport bóliminiń basshysy Bolat Dosov bolsa, buǵan deıin de birneshe ret qan tapsyrǵan. Saýapty iske atsalysýdy jáne óz densaýlyǵyna paıdaly ekendigin eskeripti.
- Qannyń jáne onyń komponentterine suranys árdaıym joǵary bolatyny aıtpasa da belgili. Osy bastamaǵa qoldaý bildirgen árbir sportshyǵa dán rıza boldyq. Donor bolǵan sportshylar ózderin erlik jasadyq dep oılamaıdy, olar bul bastamany azamattyq paryzymyz dep biledi. Qan tapsyrýǵa nıet bildirýshir áli de kóp bolaryna kúmán keltirmeımin, - deıdi Bolat Beksıyquly.
О́z kezeginde oblystyq qan ortalyǵynyń ókilderi erikti donor bolǵan sport sańlaqtaryna sheksiz alǵysyn bildirýde jáne aldaǵy kúnderi qan qory qaıta burynǵy qalpyna keledi dep senedi.
Sonymen qatar aldaǵy ýaqytta kásipkerler, memlekettik qyzmetshiler, áskerıler, quqyq qorǵaý organdarynyń jáne basqa da salanyń ókilderi belsendi túrde donor bolaryna senim artylýda. Dárigerler qan tapsyrý adamnyń aǵzasyna eshqandaı zııan tıgizbeıtinin, kerisinshe paıdasy zor ekendigin eske salady. Onyń ústine bir adamnyń qany úsh naýqastyń ómirin aman alyp qalady
Eske sala keteıik, buǵan deıin Mańǵystaýda qan tapshylyǵy baıqalýda ekenin jazǵan bolatynbyz.
Mańǵystaý oblysy