Búgin, 8 sáýirde Qalalyq juqpaly aýrýlar stasıonarynda em alǵan taǵy eki pasıent aýrýhanadan shyqqany týraly Almaty qalasy Qoǵamdyq densaýlyq basqarmasynyń basshysy Tileýhan Ábildaev habarlady.
«Bular – 1989 jyly týǵan er adam jáne 1990 jyly týǵan áıel. Olar buǵan deıin anyqtalǵan pasıentpen baılanysta bolǵan, ekeýi de 13 naýryzda Máskeý-Almaty reısimen ushyp kelgen», – dedi ol.
Er adamnyń aýrýy jeńil ótip ketti, al áıel adamnyń jaı-kúıi ortasha aýyrlyq dárejesi retinde baǵalandy, sondaı-aq «Oń jaqty ústińgi aımaqty bronh demikpesi» dıagnozy qoıyldy.
«Búginde ekeýi de ózin jaqsy sezinip, 14 kúndik úı karantınine shyǵaryldy», – dedi Qoǵamdyq densaýlyq basqarmasynyń basshysy.
Osylaısha, qazirgi ýaqytta megapolıste koronavırýstyq ınfeksııadan saýyǵyp shyqqan adamdar sany 23 adam boldy.
ALMATY