Jambyl oblysyndaǵy vırýs juqtyrǵan dárigerdiń áleýmettik jelidegi ótinishine baılanysty monıtorıng júrgizý barysynda kelesi jaıttar anyqtaldy.
Sondaı-aq dáriger-ınfeksıonıst Tolqynaı Ordabaeva óziniń jeke paraqshasynda Jambyl oblysy Merki aýdandyq ortalyq aýrýhanasynyń basshylyǵy tarapynan jol berilgen quqyq buzýshylyqtar týraly post jazǵan bolatyn.
«Osy boıynsha Partııalyq baqylaý komıssııasy tarapynan partııalyq tekserý júrgizilip, nátıjesinde kórsetilgen faktiler rastaldy. Merki aýdandyq ortalyq aýrýhanasynyń ákimshiligi medısınalyq qyzmetkerge olardyń laýazymdyq mindetterine kirmese de, ózderine maska tigýge májbúrlegen. Sonymen qatar jumysta maskalar men qorǵanys quraldary berilmeıdi. Osyǵan baılanysty aýdandyq aýrýhananyń bas dárigeriniń mindetin atqarýshy Danııar Úsipbekov pen densaýlyq saqtaý salasyna jetekshilik etetin aýdan ákiminiń orynbasary Marat Qasym partııalyq jaýapkershilikke tartyldy. Aýdan jáne oblystyq densaýlyq saqtaý basqarmasynyń basshylyǵyna aldaǵy ýaqytta osyndaı quqyq buzýshylyqtarǵa jol bermeý jáne óz mindetterin tıisti deńgeıde oryndaý kerektigi týraly eskertildi».