Jambyl óńirinde koronavırýs ınfeksııasyn juqtyrýdyń jańa jaǵdaıy anyqtaldy. Tirkelgen naýqas 1975 jyly týǵan Taraz qalasynyń turǵyny bolyp shyqty.
Jambyl oblysy ákimdiginiń bergen málimeti boıynsha, ol 10 sáýir kúni jótel men dene qyzýynyń joǵarylaýyna baılanysty shaǵymdanyp, aýrýhanaǵa jatqyzylǵan. Alynǵan zerthanalyq qan taldaýlarynyń qorytyndysy koronavırýs ınfeksııasyna oń nátıje kórsetken. Búginde naýqas ınfeksııalyq stasıonarǵa aýystyrylǵan.
Epıdemıologııalyq tekserý barysynda onymen jaqyn baılanysta bolǵan 3 adam anyqtalyp, karantındik stasıonarǵa ornalastyrylǵan. Olardan da zerthanalyq zertteýge qan taldaýlary alynǵan. Sonymen qatar, turǵylyqty jáne barǵan oryndary boıynsha da epıdemııaǵa qarsy is-sharalar júrgizilgen. Baılanysta bolǵan azamattardy anyqtaý jumystary jalǵasýda.
Jambyl oblysy