Batys Qazaqstan oblysynda 11 sáýir kúni koronavırýs belgilerimen tirkelgen jetinshi syrqat ta Reseı Federasııasynan kelgen.
«Batys Qazaqstan oblysynda «COVID-19» ınfeksııasyn juqtyrǵan azamat Reseı Federasııasynda vahta ádisimen jumys jasaıtyn 37 jastaǵy Batys Qazaqstan oblysy turǵyny» dep habarlady Memlekettik komıssııanyń shuǵyl shtaby.
Syrqat Reseı Federasııasynyń Saratov oblysymen shekaradaǵy «Tasqala» avtoótkelindegi sanıtarlyq-karantındik bekette anyqtaldy. Shekaradaǵy epıdemıolog mamandar qashyqtyq termometrııa jáne saýalnama júrgizý kezinde-aq azamattyń jótelip, tumaýratyp turǵanyn baıqaǵan. Sol jerde birden oqshaýlanyp, jedel járdem kóligi shaqyryldy. Provızorlyq stasıonarǵa jetkizip, koronavırýs juqpasyna taldaý jasaǵan kezde onyń boıynan COVID-19 dıagnozy naqtylandy. Qazir naýqas oblystyq juqpaly aýrýlar aýrýhanasynda jeke boksqa jatqyzyldy.
Naýqastarmen qarym-qatynasta bolǵan adamdar anyqtalyp, bári de medısınalyq baqylaýǵa alynǵan.
12 sáýir kúngi tańerteńgi málimet boıynsha óńirde COVID-19 koronavırýs ınfeksııasyna shaldyqqan 7 adam oblystyq juqpaly aýrýlar aýrýhanasyna em alyp jatyr.
Batys Qazaqstan