Bul týraly Eńbek jáne halyqty áleýmettik qorǵaý mınıstri Birjan Nurymbetov málimdedi.
«Búgingi kúnde elimizde 3 mıllıon 703 myń adam ótinish berdi. О́tinish sany - 4 mıllıon 900 myń. Onyń ishinde búginge 1 mıllıon 779 myń adamǵa áleýmettik tólemder taǵaıyndaldy jáne esepshottaryna 75 mıllıard 600 mıllıon teńge aýdaryldy» dedi ol.
Sondaı-aq mınıstr kóp qoıylyp jatqan suraqtarǵa jaýap berdi.
«Men ala alamyn ba degen suraqtar jıi qoıylýda. Bul jerde tártip mynandaı: jumys istep júrgen, resmı nemese beıresmı jáne de tótenshe jaǵdaıdyń saldarynan sol tabystarynan aıyrylyp qalǵan azamattarǵa taǵaıyndalady. Sondyqtan áýeli ózderińiz úshin sony naqtylap alyńyzdar. Men kompanııada, mekemede istedim, jeke kásipkerlikpen aınalystym, beıresmı, salyq tólemeı ózim tirshilik istedim, biraq qazir tabysymnan aıyrylyp qaldym. Sebebi tótenshe jaǵdaıǵa baılanysty jumys ornymnan aıyryldym degen ótinishter kóp. Sizder osy kúnge deıin aqsha taýyp júrdińizder, biraq sol aqshanyzdy joǵaltsańyz, sizdiń quqyǵyńyz bar» dedi mınıstr.