Aqtaý garnızonynyń áskerı qyzmetshileri jalpy aýmaǵy 278 myń sharshy metrdi quraıtyn Aqtaý qalasynyń-70 ten astam túrli nysandaryn zararsyzdandyrdy. Bul týraly «Batys» óńirilk qolbasshylyǵy baspasóz qyzmeti habarlady.
Aǵymdaǵy jyldyń 25 naýryzynan bastap 120 áskerı qyzmetshi jáne 3 ARS-14 (avto quıý stansııasy) áskerı tehnıkasynyń kúshimen qala jaǵalaýy aýmaǵy, sondaı-aq Nursultan Nazarbaev dańǵyly boıyndaǵy barlyq yqsham aýdandarynda sanıtarlyq jumystar júrgizdi.
Dezınfeksııa turǵyn úılerdiń jáne oǵan irgeles aýmaqtardyń, oıyn alańdarynyń, alańdar men saıabaqtardyń, memlekettik organdardyń aýmaqtary, bazarlar jáne áýejaı ýchaskelerinde júrgiziledi.
Is-sharalardy ótkizý úshin jeke quram arnaıy jabdyqtarmen, gazsyzdandyratyn qorǵanysh jıyntyqtarymen, sonymen qatar dezınfeksııalyq eritindimen qamtamasyz etilgen.
-Biz qoldanatyn ertindiler adamdar men janýarlar úshin qaýipsiz jáne 5 saǵatqa deıin áreket etedi. Biz 1 tonna sý úshin 450 gramm «Rýbej» qospasyn nemese 16 kılo natrıı gıpohlorıtini qoldanamyz. Búgingi tańda qala aýmaǵynda 70 nysanda zalalsyzdardyrý jumystary aıaqtaldy, deıdi «Batys» óńirlik qolbasshylyǵynyń radıasııalyq, hımııalyq jáne bıologııalyq qorǵanys kúshteriniń bastyǵy Almas Nesipqalıev.
Jalpy karantın rejımin qamtamasyz etý sharalary aıasynda Aqtaý qalasyna 300-ge jýyq ásker jumyldyrylǵan. Dezınfeksııadan basqa áskerı qyzmetshiler baqylaý-ótkizý pýnktterinde jáne qalany kúzetýmen aınalysady.