2020 jyldyń qańtar-naýryz aılary boıynsha elimizde qurylys boıynsha naqty kólem ındeksi 111,7%-dy qurady. Bul týraly Indýstrııa jáne ınfraqurylymdyq damý mınıstrliginiń baspasóz qyzmeti habarlady.
16 óńirde oń dınamıka baıqalady. Olardyń ishinde Qaraǵandy (150,8%), Batys Qazaqstan (122,9%), Atyraý (119,3%), Túrkistan (118,5%) jáne Aqmola (117%) oblystary kósh basynda keledi. Tek Qyzylorda oblysynda kórsetkishtiń tómendeýi baıqalady.
Turǵyn úı qurylysy boıynsha 2020 jyldyń birinshi toqsan qorytyndysynda 2 mln 642 myń sharshy metr turǵyn úı paıdalanýǵa berildi. Ol 2019 jyldyń uqsas kezeńimen salystyrǵanda 96,4%-dy qurady. Jyldyq jospardyń oryndalýy 18,7%-dy qurady (jospar 14,1 mln sharshy metr).
Respýblıka boıynsha barlyǵy 21 myńnan astam baspana paıdalanýǵa berildi, onyń ishinde 10 myńǵa jýyǵy - jeke turǵyn úıler.
Turǵyn úıdi paıdalanýǵa berý kóleminiń ulǵaıýy ótken jylmen salystyrǵanda respýblıkanyń 12 óńirde baıqalady. Kóshbasshy óńirler: Almaty (120,9%), Jambyl (120,6%), Qaraǵandy (107%), Pavlodar (105,8%) jáne Qostanaı (105,4%) oblystary jáne Nur-Sultan qalasy (108,8%).
Turǵyn úıdi paıdalanýǵa berý qarqyny 5 óńirde tómendedi: Batys Qazaqstan (57,5%), Atyraý (66,6%), Túrkistan (76,5%) jáne Mańǵystaý (94,7%) oblystarynda jáne Shymkent (24,3%) qalasynda.
Jalpy, jyl qorytyndysy boıynsha Mınıstrlik jetekshilik etetin barlyq salalarda naqty kólem ındeksiniń josparly kórstekishterine qol jetkiziledi dep boljanyp otyr.