Bilikti quqyqtanýshylar áleýmettik járdemaqy alý, azamattyq quqyqtar boıynsha saýaldarǵa jaýap beredi. Bul týraly elorda ákimdiginiń resmı saıty habarlady.
Karantın kezinde Nur-Sultan Zań keńesshiler palatasy zańgerlik áleýmettik kómek kórsetýdi jalǵastyrýda. Budan bylaı turǵyndar Telegram messendjerinde kópshilik chat arqyly onlaın-formatta quqyqtyq keńes ala alady.
«Bizdiń zańgerlerimiz suraqtarǵa jaýap beredi jáne barlyq saýal ıelerine 42 500 teńge kóleminde áleýmettik járdemaqy resimdeý, karantın kezinde kásibin júrgizý, kásipkerlerdiń quqyqtaryn qorǵaý, sondaı-aq otbasylyq, eńbek, salyq daýlaryna qatysty, t.b. ózekti máseleler boıynsha zańnamalyq kómek kórsetedi. Barlyq qyzmetter tegin jáne táýlik boıy qoljetimdi. Atalǵan qyzmetti zańger kómegine muqtaj adamdarǵa habarlandyrýǵa kómek kórsetýlerińizdi suraımyz» delingen Palata habarlamasynda.
Nur-Sultan Zań keńesshiler Palatasynyń Telegram-daǵy toby: https://t.me/astanazanger
2018 jyldan beri Nur-Sultan Zań Keńesshiler Palatasy 2,5 myńnan astam adamǵa tegin zańgerlik kómek kórsetti.