Mańǵystaý oblysynyń ákimi Serikbaı Trumovtyń sheshimimen aımaqtaǵy jedel-járdem qyzmetiniń barlyq 633 qyzmetkerine 2 aılyq jalaqy mólsherinde ústemaqy beriletin boldy. Bul týraly Mańǵystaý oblysynyń qoǵamdyq kommýnıkasııa ortalyǵy habarlady.
Osy maqsatqa jergilikti bıýdjetten 78 mıllıon teńge bólindi. Qazir oblysta barlyq shaqyrtýlarǵa 46 jedel-járdem brıgadasy jumyldyrylǵan. Eńbekaqysyna qosymsha bul qarjy jedel-járdem qyzmetkerleriniń osyǵan deıin memleket tarapynan ústemaqy alǵan, almaǵanyna qaramastan barlyǵyna birdeı beriledi.
-Qaýipti indetpen kúresýde táýlik boıy tynymsyz jumys isteıtin jedel-járdem qyzmetindegi dárigerler, feldsherler, sanıtar qyzmetkerler men júrgizýshilerdiń eńbegi eren. Dárigerlerge oblys halqynyń atynan alǵysymdy aıtamyn, dedi oblys ákimi S.Trumov.