Osydan dál 41 jyl buryn, ıaǵnı 1979 jyldyń 16 sáýirinde Máskeýde sambo kúresiniń negizin qalaýshylarynyń biri Anatolıı Harlampıev qaıtys boldy.
Anatolıı Harlampıev 1906 jyly Smolenskide dúnıege keldi. Ol sanaly ǵumyryn tolyqtaı sambo kúresin damytýǵa, álemniń birqatar memleketterinde onyń keńinen qanat jaıýyna arnady. Uly Otan soǵysy kezinde maıdan shebinde batyldyǵy jáne batyrlyǵymen kózge túsip, birneshe ret orden jáne medaldarmen marapattaldy. Qan maıdannan oralǵannan soń da sambonyń kósegesin kógertý jolynda tynbaı eńbek etti. Ǵylymı eńbekter jazyp, kúrestiń osy túrin barynsha nasıhattady. Ol 73 jasqa qaraǵan shaǵynda qaıtys boldy.
Bul kúnderi Máskeýde Harlampıevtiń atynda kóshe, ınstıtýt pen mektepter bar. Sonymen qatar sambo kúresiniń izashary qurmetine Reseıde jyl saıyn halyqaralyq týrnır ótip turady.