Karantın ýaqytynda oblys aýmaǵynda 9 baqylaý-ótkizý beketi bar. Beseýi oblys ortalyǵynda, eki-ekiden Aqsý men Ekibastuz qalalarynda ornatylǵan. Barlyq aýdandarda mobıldi beketter qyzmet etýde.
Tosqaýyl-beketterinde polısııa qyzmetkerleri táýlik boıy jumys atqarýda. Qalalyq polısııa basqarmasynyń málimetinshe, oblys ortalyǵy aýmaǵyndaǵy karantındik rejım qatań baqylanýda.
Jalpy, qalanyń ortalyǵy 64 negizgi sektorǵa bólinip, árqaısysyna jeke-jeke patrýldik qyzmetkerler jiberilgen. Iаǵnı, qalanyń qaýipsizdigin saqtaý jáne karantın rejımin qadaǵalaý sharasyna 200-deı polısııa qyzmetkeri men 150-deı Ulttyq Ulan sarbazy jumyldyrylǵan.
- Qalaǵa kirgen, shyqqan kólikterdi qatań tekserýden ótkizýdemiz. Tek shuǵyl shaqyrtýmen jolǵa shyqqan Jedel járdemdi, jerleý rásimine baratyn týys-jaqyndaryna qujattar arqyly ǵana ruhsat. Al, karantın rejımi iske qosylǵan alǵashqy kúni oblys ortalyǵyna jeke kólikterimen 1300-den astam adam kirgen bolsa, 840 azamat qaladan shyǵyp ketti. Polısııa qyzmetkerleri medısınalyq qorǵanys qural-jabdyqtarymen, betperde, qolǵaptarmen qamtamasyz etilgen. Ýchaskelik ınspektorlar da qyzmettik planshetter qoldanýda. Tosqaýyl-beketterinde turatyn qyzmetkerler basqa jumysqa jiberilmeıdi. Olar jumys ýaqyty aıaqtalǵan soń jataqhanalar men qonaqúılerge baryp qonady. Úılerine barýǵa ruqsat joq, - dedi polısııa basshylyǵy.
Sonymen qatar oblys ortalyǵyndaǵy karantınge jabylǵan 3 turǵyn úı men №1-shi qalalyq aýrýhana mańynda kezekshilik qyzmetin atqaratyn mamandarda jataqhanalardan bólmeler berilgendikten, úılerine barmaıdy.
Pavlodar oblysy