Norvegııanyń ataqty shahmatshysy Magnýs Karlsen «Banter Blitz» dep atalatyn onlaın týrnırde 16 jasar ırandyq oıynshy Álıreza Fırýdjýge ese jiberdi.
Qazirgi kezde barlyq BAQ ókilderi buny sensasııa dep baǵalaýda. Shynynda da bul nátıjege tańdanbaý múmkin emes. Sebebi, bıyl 30 jasqa tolǵaly otyrǵan Magnýs Karlsen 2013 jyly reseılik Vladımır Kramnıkti qapy qaldyryp, álem chempıony atanǵan bolatyn. Sol kezden beri ol chempıondyq tájdi saqtap keledi. Bir sózben aıtsaq, búgingi tańda Skandınavııanyń sańlaǵyna teń keler eshkim joq.
Onlaın-týrnırde jas darynǵa ese jibergen Karlsen: «Álırezanyń myqtylyǵyn moıyndadym. Al rasynda da óte myqty oıynshy eken», - dep málimdedi. Osy jeńisiniń arqasynda Iran shahmatshysy 14 myń AQSh dollary kólemindegi syıaqyny qaltaǵa basty.