Bul týraly MO qoǵamdyq kommýnıkasııa ortalyǵynda ótken brıfıngte MO ishki saıasat basqarmasynyń basshysy Erjan Kúmisqalıev habarlady.
- QR Prezıdentiniń Jarlyǵymen tótenshe jaǵdaı jáne karantın rejımi 1 mamyrǵa deıin sozylǵanyn bilesiz. Osyǵan oraı, Mańǵystaý oblysynda da karantın jaǵdaıy aıdyń aıaǵyna deıin jalǵasady.
Búgingi brıfıngte birqatar máselelerge nazar aýdarǵym keledi.
Birinshiden, koronavırýs ınfeksııa shaldyqqandar 12 adamǵa jetti, Aqtaý qalasynda 5 adam, onyń 1 emdelip shyqty, Jańaózen qalasynda 4 adam, Mańǵystaý aýdanynda 3 adam. Aýyrǵandardyń ósimi karantın rejimin jeńildetýge múmkindik bermeı otyr.
Ekinshiden, Mańǵystaý aýdany men Jańaózen qalasynda Mańǵystaý oblysynyń Bas memlekettik sanıtarlyq dárigeriniń qaýlysymen karantın rejimi qatańdatyldy. Erteńnen bastap Jańaózen qalasy men Mańǵystaý aýdanyna asa qajetsiz barýǵa jáne shyǵýǵa bolmaıdy. Tek qana azyq-túlik, dári-dármek jáne medısıanlyq quraldar aparýǵa, oblys ortalyǵynda shuǵyl medısınalyq kómekke júginýge ruqsat beriledi. Sonymen birge, adam ólimine qatysty tikeleı jaqyn tumalaryna barýǵa jáne óndiriske qajetti buıymdarmen qamtamasyz etý máseleleri jergilikti ákimdikterdiń kelisimi boıynsha iske asyrylady. Basqa jaǵdaılarda kirip-shyǵýǵa bolmaıdy.
Osy eki eldi mekenderimizdegi alynyp jatqan sharalar juqtyrý derekterin azaıtý jáne ınfeksııanyń taralmaýy úshin jasalyp jatyr.
Úshinshiden, Aqtaý qalasyndaǵy azyq-túlik satatyn gıpermarketter men bazarlarǵa adamdar óte kóp kelip jatyr, bul jaǵdaı bizderdi alańdatady jáne qaladaǵy epıdemıologııalyq jaǵdaıdy ushyqtyrý múmkin. Qurmetti qala turǵyndary, asa qajetsiz gıpermarketter men bazarlarǵa barýdan bas tartýyńyzdy suraımyz. Turǵyn úılerińiz qasyndaǵy dúkender jetkilikti, ishindegi assortımentterdiń túri bar.
Qazir qıynshylyq pen azapty kórip otyrǵan shaǵyn bıznesterdiń ókilderi.Sebebi myńdaǵan kásipter toqtady, tabystarynan aıryldy, qyzmetkerleri jalaqysyz qaldy, memleketke salyqtary azaıdy. Eger de turǵyndar osylaı júre beretin bolsa karantın mezgili uzara beretin bolady jáne kásikerlerdiń jaǵdaıy óte kúrdelenedi.
20 sáýirden keıin jaǵdaı turaqty bolatyn bolsa, toqtatylǵan kásipterge ret retimen múmkindik berýdi oılastyryp otyrmyz. Sondyqtan bárimiz qatań tártip saqtap, úıde otyrýymyz qajet. Bir birimizge qoldaý bolyp, bir birimizge úlgi bolaıyq aǵaıyn. Sóz sońynda halqymyz úshin aıanbaı eńbek etip júrgen medısına uıymdarynyń qyzmetkerlerine, polısııa qyzmetine jáne barlyq erikti toptaryna, demeýshilik kórsetip júrgen barsha jandarǵa erekshe alǵysymdy bildiremin, dedi Mańǵystaý oblystyq ishki saıasat basqarmasynyń basshysy Erjan Kúmisqalıev.
Mańǵystaý oblysy