Búgingi kúni elimizdiń bilim berý salasy júıesi strategııalyq jańǵyrý kezeńin bastan keshirip otyr. HHI ǵasyrdyń talabyna saı jan jaqty, zerdeli, daryndy túlǵany qalyptastyrýda bilim berý máselesi, onyń oqytý júıesin zaman talabyna saı úılestirý mindeti týyndap, jańa talaptar qoıyldy. Osyǵan oraı joǵary oqý oryndarynyń aldynda turǵan mindet: tabysty jáne áreketke daıyn qabiletti, áleýmettik rólin sezinetin maman qalyptastyrý.
Osy oraıda Abaı atyndaǵy Qazaq Ulttyq pedagogıkalyq ýnıversıtetiniń rektory, pedagogıka ǵylymdarynyń doktory, professor Tahır Balyqbaevtyń basshylyǵymen elimizdegi joǵary oqý oryndarynyń ári qara shańyraǵy, ári ádistemelik bazasy bolyp tabylatyn Abaı atyndaǵy Qazaq Ulttyq pedagogıkalyq ýnıversıtetinde jańartylǵan bilim berý mazmuny aıasynda bolashaq mamandardy daıarlaýda tyń ózgerister men jańalyqtar qarqyndy júrip jatyr.
Sondaı mańyzdy qadamdardyń biri – ýnıversıtte professor-oqytýshylar quramynyń biliktiligin kóterýge erekshe kóńil bólý. Mysaly, 2018-2019 oqý jylynda 159 oqytýshy respýblıkalyq «О́rleý» ulttyq biliktilikti jetildirý ortalyǵynda kýrstardan ótse, ýnıversıtet bazasynda ashylǵan «Qysqy jáne jazǵy» mektepterde 200-ge jýyq oqytýshy bilimin jetildirdi. Sebebi bolashaq pedagogtardy daıarlaýmen aınalysatyn professor-oqytýshylar jan-jaqty izdenip, biliktilikterin joǵary deńgeıge kótermese óz shákirtterine sapaly bilim bere almaıtyny aıdan anyq.
«Ýnıversıtettegi taǵy bir mańyzdy bastama – dýaldy oqytý baǵdarlamasy. Buryn bizde bitirýshi kýrs stýdentteri oqý baǵdarlamasynda kórsetilgendeı, 2 aptalyq nemese eki aılyq pedagogıkalyq tájirıbeden, jańa dýaldy oqytý baǵdarlamasyna sáıkes stýdentterimiz jyl boıy mekteppen tyǵyz baılanysta bola otyryp, oqıdy. Iаǵnı aptanyń dúısenbi, senbi kúnderi ýnıversıtette dáris tyńdasa, seısenbi men juma aralyǵynda, ıaǵnı jyl boıy mektepte bolady.
Qazirgi kezinde bizdiń ýnıversıtet te qashyqtyqtyqtan oqytýǵa kóshti. Osyndaı kezde ýnıversıtetimizdiń professor oqytýshylar quramy tyńbaı eńbek etýde. Stýdentterge qashyqtan bilim berip jáne qashyqtan bilim berý mashyqtaryn jetildirip, halyqaralyq, respýblıkalyq deńgeıde uıymdastyrylǵan vebınarlarǵa qatysyp jáne ózderi de joǵary deńgeıde uıymdastyrýda.
Jaratylystaný jáne geografııa ınstıtýtynda geografııa ǵylymynyń doktory, professor Kúlásh Qaımýldınova basshylyq etip otyrǵan jaratylystaný jáne geografııa ınstıtýtynda birneshe halyqaralyq, respýblıkalyq deńgeıde vebınarlar uıymdastyrylýda», deıdi Abaı atyndaǵy Qazaq Ulttyq pedagogıkalyq ýnıversıteti jaratylystaný jáne geografııa ınstıtýty dırektorynyń oqý ister jónindegi orynbasary, pedagogıka ǵylymdarynyń kandıdaty Lázzat Demeýova.
Osy oraıda, jaratylystaný jáne geografııa ınstıtýty jańartylǵan bilim mazmuny aıasynda jaratylystaný-ǵylymı pánderi boıynsha bolashaq mamandyrdy daıarlaý máselesi jaıly basqa joǵary oqý oryndarymen birlese otyryp, sheshimin tappaı júrgen máselelerdi ortaǵa salyp, onlaın rejıminde vebınar ótkizildi.
Bul vebınarǵa Y.Altynsarın atyndaǵy Ulttyq bilim Akademııasynyń jetekshi ǵylymı qyzmetkeri Sholpan Shýınshına «Mektep – joǵary oqý oryndary júıesinde bilim berý mazmunynyń sabaqtastyǵy» atty baıandama jasap, mektep pen joǵary oqý oryndary arasyndaǵy bilim berý mazmunynyń jalǵastyǵy týraly keleli pikirin ortaǵa saldy.
Nazarbaev Ýnıversıteti Joǵary bilim berý mektebiniń biliktilikti arttyrý baǵdarlamalar jónindegi aǵa menedjer Rýslan Qaratabanov «Qazaqstandaǵy jańartylǵan bilim berý mazmuny» taqyrybynda óziniń geografııa pánin oqytýdaǵy jańartylǵan bilim mazmuny negizinde geografııa páninen bilim baǵdarlamalaryn jasaǵandaǵy tájirıbesimen bólisti.
Ýnıversıtettiń Biliktilikti arttyrý jáne qashyqtyqtan oqytý ortalyǵynyń dosenti, pedagogıka ǵylymynyń kandıdaty Amangúl Oraqova «Qazaqstan Respýblıkasy orta bilim berý mazmunyn jańartýdaǵy «pedagogıkalyq dızaın» ıdeıalary atty maqalasynda jańartylǵan bilim berý mazmunyndaǵy tyń ıdeıalarǵa toqtaldy.
Almaty qalasyndaǵy №178 lıseıdiń dırektory, QR bilim berý isiniń úzdigi Qaıratbek Shadıev «Orta bilim berý mazmunyn jańartý jaǵdaıynda muǵalimderdiń kásibı damýyndaǵy lıseı qyzmetiniń roli» atty baıandamasynda jańartylǵan bilim mazmuny lıseıde qalaı is júzinde júzege asyp jatqanyna toqtaldy.
Jańartylǵan bilim berý mazmuny jaǵdaıynda bolashaq pedagogtardy daıyndaý (Jaratylystaný jáne geografııa ınstıtýty mysalynda) atty baıandamasynda Abaı atyndaǵy Qazaq Ulttyq pedagogıkalyq ýnıversıteti jaratylystaný jáne geografııa ınstıtýty dırektorynyń oqý ister jónindegi orynbasary, pedagogıka ǵylymynyń kandıdaty Lázzat Demeýova ınsıtýttaǵy jańartylǵan bilim berý mazmuny jaǵdaıynda bolashaq ustazdardy daıarlaýdaǵy jetistikteri jaıly, sonymen birge ınstıtýttyń tájirıbeli oqytýshylary Qalampyr Jumaǵulova, Rıma Izbasarova, Sholpan Káribaeva, Nazym Bekenova, Jazıra Muqataeva, Janna Tlekova, Nurlan Manapov, Murat Jaqsybaev jáne jańartylǵan oqýlyq avtorlary Kúlásh Qaımýldınova, Saltanat Ábilmájinovalardyń eńbekterine toqtaldy.